كلمات اغنية شكرا ع الكلمه الحلوه اصاله

كلمات اغنية شكرا ع الكلمه الحلوه اصاله

الكلمات – lyrics :

شكرا على الكلمه الحلوه اللي بتتقال فتغير مودنا
شكرا للناس اللي فارق جدا في حياتها وجودنا
شكرا على النية الصافية و لناس بوعودها وافية
دايما في الشده وجودهم بيهونلنا اصعب محنه

شكرا على اجمل ضحكه
و لكل الناس السالكه
اللي على العشرة بتبقى
بهديلهم ميت مليون ورده

شكرا على رد الغيبه
و القلب المليان طيبه
و الشكر لكل حبيبه
واقفه في ضهر حبيبها و سانده

شكرا على حب الخير للغير من غير اي نفسيه
و لأي نصيحه من القلب للقلب في وقتها جايه
و اصحاب ملهاش في مصالح مهما زعلت بتسامح
و قلوب بأقل قليل حامده و شاكره و كمان مرضيه

شكرا للي مشرفنا و اللي عمره في يوم ما خذلنا
و اللي في الضهر تملي في افراحنا و قبلها احزاننا
و الناس الشايلة همومنا و اللي قابلين بعيوبنا
و اللي جابرين خواطرنا بجد الدنيا دي بيهم جنه

معلومات عن الاغنية :

كلمات: عمرو تيام
الحان: مصطفي العسال
توزيع ومكس وماستر: توما

Leave a Comment

close