كلمات شيلة الذاريات مسفر السندوانه

كلمات شيلة الذاريات مسفر السندوانه

الكلمات:

يوم الركض شعلة شرار
واتجمعوا من كل دار
ما للكبار إلا الكبار
شيخاً على الاول شغوف

عبدالعزيز اب حمد
دعمه سخي ومعتمد
في مشترى السبّق يمد
كفه مثل غيث القنوف

عنده على نقوى السبوق
و بو سحيم له نظره وذوق
يختارها وعينه تتوق
لمداحم اشواط سيوف

يوم اللقى والركض حان
ف الذاريات السبق بان
راحت عصاها فالبطان
فيها من اليافل وصوف

مركاضها حيره وذهول
كنها من الثيّل يفول
خصيمها ردد لا حول
من دبرت عينه تشوف

يوم اقبلت فالشوط نوض
من بينهن صارت تخوض
ماتقبل تخف وتروض
بصوت يزقرها وتطوف

يوم ازقروها بدعت
وعند نهاية ودعت
لولا المسافه اقلعت
مابينت دوس الخفوف

وفي الشوط للقعدان دور
بصمه وتأثير وحضور
والم من شمقه يفور
غاير من لاحق عيوف

ذاير عن الثاني وحفل
من دوّر الالي جفل
سكر جهازاته وقفل
امضمره شافه معسوف

مع بن عماره ما يضام
حمد وله كل احترام
سلام له مني سلام
تضمير واثق ومعروف

Leave a Comment

close