كلمات شيلة المغرم الوسمي

كلمات شيلة المغرم الوسمي

المقطع الاول :
عنوان المقطع الاول : مرحبا يا سيد ساداتي
كلمات :عوشه بنت خليفة السويدي (فتاة العرب)

مرحبا يا سيد ساداتي
الحبيب اللي يسليني

حي انسي حي راحاتي
لي يزعلني و يرضيني

يا غرام المغرم اشتاتي
منك لو بالوصل تحييني

وانت حبي وانت مهواتي
وانت لي زينك على زيني

عنك ما تنكف عبراتي
لا و لا صبري يخليني

وتنخزن في اليوف ليعاتي
ومن اشاكي يا نظر عيني

ما يحمل الصخر شداتي
لو بفزع بالملاييني

وكيف عنك تطيب لذاتي
في الحياه و نومي اييني

ق2

المقطع الثاني :
عنوان المقطع الثاني : بسك بسك
كلمات : سالم الجمري

بسك بسك كم بفداك
لا تعذبني يا المضنون
قلبي يتشفق لرضاك
لو تبى عيني بتهون

لو تبغي روحي تفداك
وانا المتشكر منون
لن فوادي ما ينساك
وانته عندي ما بتهون

يا حلو الصبا محلاك
زينك حلو وعون ولون
ورد مفتح في وجناك
وحيايك أسمر مقرون

تجرحني نظرة عيناك
أمضى من السيف المسنون
لكنك تمنع حسناك
وتعذب قلبا محزون

المقطع الثالث
عنوان المقطع الثالث :يا كحيل الطرف
كلمات الشاعر : احمد بن علي الكندي

يا كحيل الطرف يا ذاك الجميل
جوك الصافي علي اش كدره
ما انظرتك العين من وقت طويل
لا ولا منك نديب اتخبره

كم تقول الناس محبوبك يميل
صوب غيرك هاجرنك واهجره
قلت انا مسمع لكم قايل وقيل
في انتظاره لين عيني تنظره

يا حبيبي ليش في وصلي بخيل
كم تعذبني ولا لي مغفره
ارحم اللي عاش في حبك عليل
قبل ما يخسرك وانته تخسره

ياقمر وقتي وعقلي والدليل
والامل ياللي انا بتصوره
انته راحاتي وعن شمسي ظليل
وانته اللي للشدايد اذخره

المقطع الرابع
عنوان المقطع الرابع : اهلا بنسيم
كلمات : سالم الجمري

اهلا بنسيم هب من صوب عربي
نسنس وهيض مزملي والحاني

وتذكرت نفسي مزار حبيبي
في ليلة يهنى بها الولهاني

لي من ذكرت حبيبي زاد تعبي
لجلج فوادي ورتكبت احزاني

والدمع من عيني هتوف يسكبي
من لاعج باقصى الحشا يقلاني

يحكم عليه دون حق و واجبي
شرواة وصف قاله الهزاني

يا ناقتي والا العصا والا اشربي
والا اصبري ع الكود والحرماني

وانا على حكمه موافج مذهبي
به معترف وانا الذي غلطاني

لنه حبيب في الملا ماله وبي
ياخذ مثل من قايد الغزلاني

Leave a Comment

close