كلمات قصيدة كل الطرق علي بوحمد

كلمات قصيدة كل الطرق علي بوحمد

ما ضيعت دربك لأن خليت حبك بوصله
اشما اتجه لا بد ارد و ارجع و اجيك الكربله

او لو افترض مره تهت محد علم عني
ما انتظر لحظه بشر يتعنى يدركني
عندي “الحسين بن علي” هو الي ينقذني

ابأربع جهاتي سيدي اشوفك
عايف حياتي او لحظه ما اعوفك
أمنيتي كل لحظه أجي الطفوفك

أرنو إلى الطفوف من بين كل الدول
كل الطرق تؤدي إلى الحسين بن علي

امصبرني بديار الغرب يحسين الله او مجلسك
لاچنها روحي امعانده ما ترضى إلا اتنفسك

بالبرزخ آنه لو چنت وامتاني الجنه
ابهذا النعيم أبقى أحن ولو يحصل أتمنه
ارجع و لو ساعة الأرض و الكربله اتعنه

اليعلم و لو معشار من آثاره
اليگصد ذبيح الله او يجي الدياره
يتمنى كل عمره انگضه ابزياره

إني أنا الطريد و كربلاء منزلي
كل الطرق تؤدي إلى الحسين بن علي

وفقني ويه اهل العشق يا بو رقيه أقصدك
تعبان و آنه ادري الدوا ما احصله إلا ابمرقدك

بيه مرض اسمه البعد ما يحمل الفرگه
أشتم هوا لاچن أحس ويه النفس خنگه
محتاج اجيك الكربله سهلي ال ملگه

بحساسك اقسم سيدي او حنينك
راح أبقى لازم سيدي ابيمينك
الحد ما اجي مشايه بربعينك

أمشي و كل فكري إلى حبيبي الأولي
كل الطرق تؤدي إلى الحسين بن علي

Leave a Comment

close